Merwan Memduh Ozdemîr ku li dijî tecrîdê ev 13 rojin li Silêmaniyê di rojiya mirinê de bû, li ser banga Rêberê Gelê Kurd Abdullah Ocalan, çalakiya xwe bidawî kir û wiha got: “Heta ku Serok Apo û Kurdistan azad dibe, dê têkoşîna me bidome.”
Merwan Memduh Ozdemîr ku di rojiya mirinê de bû û çalakvanên greva birçîbûnê yên li bajarê Silêmaniyê yê Başûrê Kurdistanê, li ser banga Rêberê Gelê Kurd Abdullah Ocalan daxuyaniyek da çapemeniyê.
Merwan Mehmud Ozdemir bi daxuyaniyekê ev tişt anî ziman: “Peyama Serokatiyê îro hat parvekirin. Me Peyama Serok Apo baş nirxandiye. Armanca me şikandina tecrîdê ku ji sala 2015’an û beriya wê destpêkiribû. Armanca tercîdê tunekirina gelê kurd bû. Serok Apo îro nîşanî hemû cîhanê da ku mirov bi berxwedanê dikare bigihîje armancê. Heta ku daxwaza gelê kurd û hemû gelên Rojhilata Navîn pêk neyên, em dest ji têkoşîna xwe bernadin. Îro çalakiya me bidawî bûye, ez hemû kesên ku destek dane, hemû dayikên laçik spî silav dikim. Heta ku Serok Apo û Kurdistan azad nebe, dê têkoşîna me bidomînin. Hemû hevalên ku di vê pêvajoyê de jiyana xwe ji dest dane bibîr tînim.” SILÊMANÎ
