Girtiyên li Girtîgeha Tîpa M ya Êlihê li ser ragihandina peyama Ocalan, bi dirûşmên ‘Bijî Serok Apo’ û ‘Bijî berxwedana zindanan’ keyfxweşiya xwe anîn ziman. Dengê dirûşmên girtiyan li kolanan hate bihîhstin
Parêzerên Rêberê Gelê Kurd Abdullah Ocalan îro peyama muwekîlê xwe ya der barê çalakiyên greva birçîbûnê û rojiya mirinê de, bi daxuyaniyeke çapemeniyê bi raya giştî re parve kirin. Di peyamê de Ocalan got ku çalakî gihîştiye armanca xwe û ji çalakgeran xwest ku dawî li çalakiya xwe bînin.
Peyama Ocalan îro bi girtiyên li Girtîgeha Tîpa M ya Êlihê re jî hate parvekirin. Piştî ragihandina peyama Ocalan, girtiyan dirûşmên ‘Bijî Serok Apo’ û ‘Bijî berxwedana zindanan’ berz kirin û sirûd xwendin. Girtiyên ku bi berzkirina dirûşman dawî li çalakiya xwe anîn. Dengê dirûşmên girtiyan li derveyî girtîgehê jî hate bihîstin. Xizmên girtiyan ên li ber girtîgehê jî bi dirûşma ‘Bijî berxwedana zindanan’ piştgirî dan girtiyan. ÊLIH
