Girtiyên ku îro li girtîgehên Amedê dawî li çalakiya xwe anîn, sewqî nexweşxaneyê hatin kirin. Di dema veguhestina girtiyan de cendirmeyan girtî derb kirin
Girtiyên li zindanên bakurê Kurdistanê û Tirkiyeyê li ser daxwaza Rêberê Gelê Kurd Abdullah Ocalan, dawî li çalakiya xwe ya greva birçîbûnê ya bêdem û bêdorveger û rojya mirinê anîn. Piştî bidawîkirina çalakiyê jî girtî li gelek bajaran sewqî nexweşxaneyan hatin kirin. Yek ji van bajaran jî Amed bû.
Girtî dema ku sewqî girtîgehê hatin kirin ji hêla xizmên xwe ve li Nexweşxaneya Lêkolîn û Perwerdeyê ya Gazî Yaşargîl a Amedê hatin pêşwazîkirin. Xizmên girtiyan dirûşmên ‘Bijî Serok Apo’ û ‘Bijî berxwedana zindanan’ berz kirin. Girtî di deriyê beşa morgê ya nexweşxaneyê re derbasî hundir hatin kirin.
Di dema veguhestinê de cendirmeyan girtî derb kirin. Tevî bertekên xizmên girtiyan jî cendirmeyan derbkirina girtiyan domand. AMED
