Parlamenterê MHPyî Mehmet Taytakî Heyetê Pêroyî de teberê rojdemî de derheqê tabelaya Dêrsimî de qisey kerd. Tayakî Qirkerdişê Dersimî ard vîrî û bi viraştişê yewna qirkerdişî gefî wendî
Heyetê Pêroyî yê Meclîsî de qiseykerdişanê teklîfê qanûnê tewreyî yê 20 maddeyan de, parlamenterê MHPyî Mehmet Taytakî teberê rojdemî heqê qiseykerdişî waşt û derheqê tabelaya Dêrsimî ya ke bi qerarê Meclîsê Şaredarîye amîbî daleqnayene qisey kerd.
Taytakî qiseykerdişê xo de Qirkerdişê Dêrsimî ard vîrî û bi viraştişê yewna qirkerdişî gefî wendî û va: “Ê ke demo vîyarte kenê têmîyan, çî yê ke ameyî serê pîrikanê înan do bêrê serê înan zî.” Taytakî hemverê qerarê Meclîsê Şaredarîye de reaksîyon da û vat ke cayo ke Mûstafa Kemalî ci ra vato ‘Tûncelî’ çew nêeşkeno ci ra vajo ‘Dêrsim.’ ANQARA
