Hêzên Rizgariya Efrînê ragihand ku di çalakiya hêzên wan de roja 27’ê gulanê li Şera û Babê 5 çete hatine kuştin
Hêzên Rizgariya Efrînê (HRE) têkildarî çalakiyên hêzên wan ên li Şera û Babê li dijî artêşa tirk û çeteyên girêdayî wê daxuyaniyek nivîskî weşand.
HRE’yê diyar kir ku di çarçoveya çalakiyên xwe yên leşkerî yên li hemberî artêşa tirk û çeteyên girêdayê wê yên li herêma Efrîn û derdora wê de hêzên wan du çalakiyên cuda li dar xistine û ev agahî parve kir: “Roja 27’ê gulanê, hêzên me bi çalakiyekî noqteyeke çeteyên bi navê El Cebhe El Şamiyê li gundê Vêlat El Qadî yê girêdayî navçeya Şera kirin armanc, di encamê de 2 çete hatin kuştin û yek jî birîndar bû.
Heman rojê, hêzên me bi çalakiyeke sabotajê erebeyeke leşkerî ya çeteyên Ehrar El Şam li gundê Hizwan yê girêdayî herema Babê kirin armanc, di encamê de erebe hat rûxandin û 3 çete hatin kuştin û yek jî birîndar bû.
Nasnameyên du ji çeteyên hatin kuştin wiha ne: Elî Eyob û Ridiwan Şobek û yê çeteyê birîndar jî Mistefa Xemîs e.” EFRÎN
