28 welatiyên ku li Rihayê bi îşkenceyê hatin binçavkirin û bi rojan di bin çavan de hatin îşkencekirin, îro derxistin Edliyeya Rihayê. Lêpirsîna welatiyan didome
Li gundê Dêrto yê Xelfetî ya Rihayê di 18’ê gulanê de dema ku leşkerên dewleta tirk derketin operasyonê, şer derket. Di pevçûnê de alîkarekê komîser hate kuştin, 2 polîs birîndar bûn û hat îdiakirin ku 2 gerîlayên HPG’ê jî jiyana xwe ji dest dane. Piştî pevçûnê jî artêşa tirk li Hewag û Xelfetiyê bi ser gelek malan de girt. Di serdegirtina malan de 51 kes bi îşkenceyê hatin binçavkirin û ev îşkence di temamiya dema binçavkirinê de jî berdewam kir.
Dewleta tirk ji 51 kesên hatin binçavkirin 22 jê bi şertê kontrola edlî berdabûn û kesê bi navê Abdullah Çîftçî jî bi îdiaya ‘li ser medyaya civakî propagandaya rêxistinê kiriye’ girti bû. Her wiha dema binçavkirinê yên kesên din jî hatibû dirêjkirin. Welatî piştî demekî dirêj, îro anîn Edliyeya Rihayê. Lêpirsîna 28 kesan didome. Malbatên binçavkiriyan jî li ber deriyê edliyeyê disekinin. RIHA
