Ame zanayene ke selahîyetdarê Amerîka, Rûsya û Îsraîlî seba ke ‘Problemê Asayîşê Rojhelato Mîyanenî’ ser o qisey bikerî, aşma hezîrane de bajarê Qudusî de do kombîyayîş pê bîyarî
Hetê Qesra Sipî ra ame vatene ke do Amerîka, Rûsya û Îsraîlî aşma hezîrane de bajarê Qudusî de bêrî têhet. Eşkerayîya ke derheqê babete de ame dayene de ame vatene ke do Şêwirmendê Asayîşê Neteweyî yê Serekê Amerîka John Bolton û hempîşeyê ci yê rûsî Nikolay Patruşev û Îsraîlî ra zî Meîr Ben-Shabbatî tewrê kombîyayîşî bibî. Eşkerayî de ame vatene ke do selahîyetdarê Amerîka, Rûsya û Îsraîlî seba ke ‘Problemê Asayîşê Rojhelato Mîyanenî’ ser o qisey bikerî, bêrî têhet.
