Mufetîşo ke hetê Wezaretê Karê Zereyî ra ameyo wezîfekerdene seba girewtişê îfadeyî veng da endamanê Meclîsê Şaredarîya Dêrsimî
Şaredarîya Dêrsimî seba ke tabeleya Dêrsimî ya ke hetê qeyûmî ra ameyebî wedartene newe ra bêro daleqnayene qerarêk girewt. Derheqê nê qerarî de muneqeşeyî dewam kenê.
Wezaretê Karê Zereyî semedê na babete mufetîşêk wezîfedar kerd. Mufetîşî bi telefonî veng da endamanê Meclîsê Şaredarîya Dêrsimî ke şirê banê Walîtîye de îfade biderê. Ame vatene ke pêvînayîş de do endamanê meclîsî yê ke binê qerarê bedilnayîşê tabelaya Şaredarîye de morê înan esto rê derheqê naye de persî bêrê persayene. DÊRSIM
