Hêzê Demokrasî û Kede yê Dêrsimî reaksîyon nîşanê munaqeşeyanê bedilnayîşê tabelaya şaredarî dayî û vatî: “Tuncelî nameyê qirkerdişî yo. Rîbirîmendişê Qirkerdişê Dêrsimî do mirdê demokratîkbîyayîşê Tirkîye bibo
Hêzê Demokrasî û Kede yê Dêrsimî derheqê munaqeşeyanê qerarê Şaredarîya Dêrsimî yê ke bedilnayîşê tabelayî de yenî meşnayene de eşkerayîyêk dayî çapemenî. Temsîlkarê komeleyê sivîl û xeylê hemwelatijî tewrê eşkerayî biyî û reaksîyon nîşanê munaqeşeyan dayî.
Eşkerayî de Hemserekê Partîya Demokratîke ya Şaran (HDP) yê Dêrsimî Hidir Çelîkî qisey kerd û va: “No name îradeyêko hempar û waştişê şarî yo. Ma nameyê Tuncelî qebul nêkenî. Tuncelî nameyê qirkerdişî, tecawiz, çinhesibnayîş û qetlîyamî yo. tuncelî qetilkerdişê merdimîye yo.”
Badê Çelîkî Serekê Partîya Kede (EMEP) yê Dêrsimî Ergîn Tekînî eşkerayîya hempar wend. DÊRSIM
