Rêxistina Sara ku yek ji rêxistinê li dijî tundiya li ser jinan tevdigere, di çarçoveya pêngavên xwe de xwe gihand gelek jinên ku rastî tundiyê dihatin û bi wan re bû alîkar
Rêxistina Têkoşîna li dijî Tundiya li ser Jinan a Sara bi armanca rê li ber hemû cûreyên tundiya li ser jinan bigire, bi dirûşma ‘Jin jiyan e, jiyanê nekujin’ pêngavek da bû destpêkirin. Rêxistinê di çarçoveya pêngavê de dikarî xwe bigihîne gelek jinan ên ku bi tundiya fîzîkî û derûnî re rû bi rû dimînin.
Têkildarî encamên pêngavê ya li Herêma Firatê, Rêvebera Rêxistina Sara ya Herêma Firatê Şirîn Muslim diyar kir ku wan hewl da û didin bi vê pêngavê bi hemû rêbazan alîkariya jinên ku tundî li ser wan tên meşandin û wiha got: “Em li hemû deverên herêma Firatê civîn li dar xist û armancên rêxistinê da nasîn. Her wiha semîner hatin dayîn da ku zîhniyeta baviksalarî ji holê bê rakirin.”
Muslim destnîşan kir ku wan di vê pêngavê de xwe gihandine hejmarek mezin a jinan ku tundî li ser wan tên meşandin û wiha domand: “Wekî alîkariyekê me ew jin derbasî perwerdeyên bi mehan kirin ji bo bandora tundiyê li ser wan rabe.”
Her wiha Muslim bal kişand qonaxa duyemîn a pêngavê ku gelek çalaki hatin lidarxistin da ku diyardeya tundiya li ser jinan bê tunekirin û got ku dê hewl bidin bi hemû rêbazan dawî tundiya li ser jinan bînin. KOBANÊ
