Qerarê Meclîsê Şaredarîya Dêrsimî yê bedilnayîşê tabelaya şardîye rê paştdayîşêk zî hunermendanê Dêrsimîjan ra ame. Hunermendan vat: “Dêrsim Dêrsim o. Heqîqet o. Ma destûr nêdanê ke no nêvînayîşî ra bêro.”
Hunermandanê Dêrsimijan zî paştî daye qerarê bedilnayîşê nameyê Tûncelîyî bi Dêrsimî yê Meclîsê Şaredarîya Dêrsimî. Hunermandanê ke rojNAmeyê Yenî Yaşamî rê qisey kerd vat Dêrsim Dêrsim o!
Çayan Demîrel: Ma xo ra vanê Dêrsimij, no sey ziwanê dayîkî yo. Ma nameyê Dêrsimî dayo domananê xo, kitaban, deyîran û komaleyan. Çew nêeşkeno hafizaya tarîxî bi tabela û qanûnan çîn bikero.
Ozlem Gerçeke: Dêrsim Dêrsimî ra vano Dêrsim. Ma heta nika nameyê Tûncelî nêşuxulna û nêşuxulnenê.
Tahîr Bozkûrt: Dêrsim nameyê doman, ko, dar, bir, vilik, awe heme rindikanê Dêrsimî yo.
Kazim Oz: şarê Dêrsimî bi Qirkerdişê Dêrsimî yê 1938’î yeno tehdîtkerdene. Ma hunermendî paştî danê nê qerarî. Tena şarê Dêrsimî wayîrê nê heqî yo û ê zî Dêrsim wazenê.
Dogan Çelîk: Dêrsim anor û heqîqet o. Vatişê Dêrsimî Pir Riza, Alîşer û Ana Zarîfe yo. Dêrsim bi nê manayan wayîrê nasnameyî yo.
Rozerîn Kahramane: Ganî tena tabele de nê fermî nameyê Dêrsimî bêro dayene. Destê tûnçî yê dewlete wa hinî serê Dêrsimî ra bêro wedartene.
Nûray Balike: Ma ganî no deme de tarîx ra ders vejê û goreyê naye tê bigêrê û vernîya tarîtîye bigêrê.
Emiralî Yagan: Dêrsim wextê Terteleyê 1938 de ser û bin bi û wext ra xover dano xo newe ra aferneno. Tena bi bedilnayîşê tabela çîyêk nêbeno ganî zîhnîyet bêro bedilnayene.
Mîkaîl Aslan: Dêrsim nameyê yewe kilama ke bi hezaran seran o koyan de yena vatene yo, nêbedilyeno. Berê rûh, tarîx û estbîyayîşê şarêk o. Nameyê Dêrsimî Dêrsim o.
Metîn Kahraman: Dêrsim nameyê kulturêkê kahanî yo. Tûncelî qirkerdiş ano ma vîr. Ma wezenê nameyê Dêrsimî peyser bêro dayene û tabela bêro daliqnayene.
Kemal Kahraman: Hafizaya ma ya kulturkî esta. Wazenê ke ma tarîxê xo, xo vîra bikerê. Ewro hetê çepgerî vanê ke wext û cayê nêyî nêyo. Sereye ma tim hetê serdestan ra xebitîyeno.
Erdogan Emîr: Dêrsim pabesteyê heq û heqîqatî yo. Dêrsim Dêrsim o.
Ferhat Tûnç: Hedefe nê hêrişî de nasnameyê tarîxkî yê Dêrsimî esto. Dêrsim anor û şerefe şarê Dêrsimî yo. Sey vizêr ameyîşê ma yo. Ma testûr nêdanê na raştîye bêro vîrakerdene.
Abîdîn Bîter: Dêrsim nameyê o bajarî yo û ganî bero şuxulnayene. DÊRSIM
