Serdozgeriya Komarê ya Amedê der barê hevseroka HDP’ê Pervîn Bûldan û parlamenter Feleknas Ûca de fezleke amade kir û şand meclisê
Dawî li fezlekeyên der barê parlamenterên HDP’î de tên amadekirin nayê. ‘Deklarasyona Çareseriya pirsgirêka Kurd’ a ku berî hilbijartinên giştî yên 24’ê hezîranê hate aşkerekirin, bû mijara fezlekeyê. Deklarasyon di 23’yê gulana sala 2018’an de bi tirkî ji hêla hevseroka Partiya Demokratîk a Gelan (HDP) Pervîn Bûldan û ya bi kurdî jî ji hêla parlamentera HDP’ê Feleknas Ûca ve hate xwendin.
Serdozgeriya Komarê ya Amedê bi îdiaya ‘Pesnê sûc û sûcdar dane’ der barê Bûldan û Ûca de fezleke amade kir û ji meclisê re şand. Di fezlekeyê de serdozgeriyê xwest ku mafê destnedanê yê her du parlamenteran bê rakirin. ENQERE
