Li Yewnanîstanê di hilbijartinên xwecihî de ku roja yekşemê pêk hatin, paytext Atîna jî di nav de hema bêje li hemû herêman rastgir bi ser ketin
Rêjeya tevlîbûna li hilbijartinê kêm bû. Tevî ku ji sedî 40 ê hilbijêran dengê xwe dan, partiya mûxalefeta rastgir Demokrasiya Nû bi ser ket.
Hilbijartinên xwecihî pênc hefte beriya hilbijartinên giştî yên 7’ê tîrmehê pêk hat. Lewma encama derkete holê ji bo hikumeta Alexis Çîpras ê çepgir rewşeke nebaş e.
Namzetê Partiya Demokrasiya Nû yê Atînayê Costas Bakoyannis, ji sedî 65 yê dengan wergirt û bi ser ket. Bakoyannis kurê şaredara destpêkê ya jin a Atînayê Dora Bakoyannis e.
Namzetên partiya rastgir li 12 ji 13 herêman bi ser ketin. Li Selanîkê jî ku duyemîn bajarê herî mezin ê Yewnanîstanê ye, namzetên çepgir di tûra destpêkê ya 26’ê gulanê de têk çûbûn. Namzetê serbixwe yê mûxafazakar Konstantinos Zervas li Selanîkê bi ser ket.
Di hilbijartinên Parlamenta Ewropayê de yên beriya hefteyekê, Partiya Demokrasiya Nû li hemberî Partiya Syriza ya Serokwezîr Çipras 9.3 pûan zêde wergirtibû. ATÎNA
