Bajaranê herême de bi seyan cenazeyî goranê bêkesan de ameyî definkerdene. Kesê ke qedexeyê tebervejîyayîşê raşteyan yê sey Nisêbîn, Cizîr û Sûrî de ameyî qetilkerdene û her çiqas ke testê DNAye yê înan bêrî kerdene zî mezelanê bêkesan de ameyî definkerdene. No Roşanê Remezanî de zî keye û merdimê înan çin î ke şêrî goranê înan ser
No Roşanê Remezanî de bi seyan kesê ke qedexeyê tebervejîyayîşê raşteyan de cuya xo vindî kerdî û seba ke cenazeyê înan ameyî parçekerdene û nînê şinasnayene, mezelanê bêkesan de ameyî definkerdene, do kesêk înan çinbo ke şêro zîyaretê înan. Wezîrîya Karê Zerre û Walîtîyê xeylê bajaran badê 24ê temmuza 2015î xeylê bajaran de qedexeyê tebervejîyayîşê raşteyan îlan kerdî. Prosesê qedexeyan de bi seyan kesî cuya xo vindî kerdî û cenazeyê înan ameyî parçekerdene. Keyeyê ke cenazeya domananê xo nêşinasnayî, her çiqas ke testê DANye bikerî zî mezelanê bêkesan de ameyî definkerdene. 16ê tebaxa 2015î ra ehta 1ê hezîrana 2017î Amedî de 127, Mêrdîn de 32, Colemêrg de 20, Şirnex de 13, Bedlis de 8, Êlih de 3, Mûş de 4, Çewlîg de 5, Dersîm de 5 û Xarpêtî de 1 reyan û pêro-pîya 10 bajar û 43 qezayan de bi hawayo fermî 218 reyan qedexeyê tebervejîyayîşê kuçeyan hetê walîtîyan ra ameyî qedexekerdene. Seba ke testê DNAye nêameyo dîyarkerdene cenaze nêdîyayî keyeyan
Mezelan ra cenazeyan vetî
Badê qedexeyê raşteyan, bi seyan kesî cuya xo vindî kerdî, cenazeya înan ameyî parçekerdene û cenazeyê ke hetê keyeyan û merdiman ra nêameyî şinasnayene mezelanê bêkesan de ameyî definkerdene. 19. Kanûna 2017î de Goristanê Oleka Corîn ya Bedlisî ra 267 cenazeyî bi mehneya testê DNAye mezelanê xo ra ameyî vetene û erşawîyayî Dezgeyê Tibê Edlî (ATK) yê Stenbolî. Nika 265 cenazeyîATKyê Stenbolî de yenî vindetene. Her çiqas ke keyeyê cenazeyan testê DNAye bikerî û xeylê reyan muracat bikerî zî netîce nêgirewtî. AMED
