Hûmara 171. ya menga Hezîrane ya rojnameyê cinîyan ya menganeyî ‘Newaya Jin’ vejîya
Hûmara 171. ya rojnameyî bi manşetê ‘Xoverdayîşê Laçigsipîyan qofikê faşîzmî şikit’ ame çapkerdene û giranîye daye serê xoverdayîşê dayîkanê tepişteyan ê rojanê verênan.
Rojnamegere û nuştoxe Denîz Bîlgîne, kulturê dayîkîye; xoverdayîşê Laçigsipîyan o ke açarîya têgêrayîşêkê neweyî û netîceyê polîtîkî yê nê xoverdayîşî ercenayî. Bîlgîne dana zanayene, kulturê dayîkîye Kurdistan de rastîye temsîl keno.
Çarçel Engîzeke zî eynî babete ser o vinete û ard vîrî, zanist, felsefe û rûmetê merdimîye yê serdemî hezar serran ra zêde yo hetê dayîkan ra ameyê keşfkerdene. Engîzeke vat ke nêzanîye reyêka bîne mîyanê dewlete de gandar bîye.
Munevver Azîzoglû zî bale ante serê sazgehanê dewlete ke açarîyayî mekanîzmayanê şîdetî.
Derheqê Zeynep Kinaci û Sema Yuce de, ke sembolê Têgêrayîşê Cinîyan ê Kurdan ê, Zerya Gule şîrove-nuşteyêk amade kerd. Nuşteyî de Kinaci û Yuce sey serkêşê şorişê seserra 21î ameyî pênaskerdene.
Tirkîya de sebeb û netîceyê îstîsmarkerdişê domanan û şîdeto ke vera înan yeno kerdene, hetê aktîvîsta Jine Sara Aktaşe ra ame ercnayene.
Rojda Yildirime tarîx û kulturê cimatî yê Sudanî arê kerd, ke nê demanê peyênan de bi serewedaritişî şarê kewt rojdemê dinya.
Dîlar Dîrîke zî têkoşînê cinîyanê Hîndîstanî arê kerd û bi hîratir analîz kerd.
Rûhşan Bozane zî, ke Hepisxaneyê Gebze de tepişte ya, derheqê nêzdîbîyayîşî yê Jineolojî de nuşteyêkê cigêrayîşî amade kerd.
Rîpela cuye ya cimatî de zî nuşteyêk vîrardişê bi sernameyê ‘Pêvînayîşê serkewtişî de” yê Nûjîyan Zele ame weşanayene.
Rîpelanê Kurdkîyan de zî meqaleyanê; Bêrî Bihare bi nameyê ‘Çimeyê edebîyatê nuştekî-edebîyatê fekkî’, Rûken Ehmete bi nameyê ‘Heqîqet, têduştîye û cuya ke bi destê cinîyan yena mûnayene’ û Roza Mêrdîne zî bi nameyê ‘Kesê qijî, hîkayeya girde’ rojnameyî rê nuştî.
