Dewleta tirk a dagirker li Efrînê hewl dide xwe mayînde bike. Di vê çarçoveyê de li gundê Dervîş ê Racoyê dest bi çêkirina pîsta helîkopterê kir. Her wiha gundê Basûtê jî ji efrîniyan vala kir û li şûna wan malbatên çeteyan bi cih kirin
Dewleta tirk û komên çete yên girêdayî wê dagirkeriya xwe ya li Efrînê didomînin. Dewleta tirk ji bo ku xwe li Efrînê mayînde bike, di nava hewldanên qirêj de ye. Di vê çarçoveyê de bi awayekî bi pergalî demografyaya herêmê diguherîne, navên hemû jîngehan diguherîne, bi hezaran malbatên çeteyan û tirkmenan li Efrînê bi cih dike, li derdora Efrînê dîwar ava dike û niha jî tevî baregehên leşkerî, dest bi avakirina pîstekî helîkopteran kir.
Li gorî agahiyên ji çavkaniyên Efrînê, hêzên dewleta tirk li gundê Dervîş ê Raco ya Efrînê ku demek berê bi darê zorê dabû valakirin, dest bi çêkirina pîsta helîkopterê kir.
Çavkaniyên ji herêmê ragihandin ku gundê Basûtê yê Şêrawayê jî hatiye valakirin û malbatên çeteyên ji Idlibê li şûna şêniyên Efrînê hatine bicihkirin. EFRÎN
