Li Sûdanê piştî darbeya leşkerî alozî û rageşî naqede. Piştî 9 mehan biryara hilbijartinê hat girtin. Li hemberî vê welatên ewropayî, banga ‘avakirina hikumeteke sivîl’ kirin
Piştî ku dîktator Omer El Beşîrî ji desthilatê hat xistin, Konseya Leşkerî ya Demkî ku artêşê ava kiribû ragihandibû ku di encama protestoyên gel ên bi pêşengiya Tevgera Azadî û Guhertinê pêk tên û bi mehane didomin, peymanên pêk hatî betal kirine. Leşkerên ku daxwazên gel ji nedîtinê ve tên, ragihandibûn ku piştî 9 mehan wê hilbijartin çêbe.
Li hemberî vê biryara daberkarên Sûdanê, DYA, Brîtanya û Norweçê bi daxuyaniyeke hevpar bang kirin ku li Sûdanê hukumeteke demkî ya sivîl bê avakirin. Di daxuyaniya ji aliyê her sê welatan ve hatî kirin de hat gotin ku ji bo pêkanîna hilbijartineke azad, adilane, divê hikumeteke demkî ya sivîl bê avakirin.
Di daxuyaniya her sê welatan de hat destnîşankirin ku hilbijartinên sivîl, ji yên ‘pêşwext û hatî ferzkirin’ çêtir in.
Leşkeran, li pêşiya avahiya Konseya Leşkerî ya Demkî, êrîşî gel kiribû û herî kêm 35 kes hatibûn kuştin û bi sedan kes jî birîndar bibûn. Piştî wê şefê Konseya Leşkerî ya Demkî General Ebdûl Fettah El Burhan, ragihandibû ku hemû lihevirinên bi Tevgera Azadî û Guhertinê re çêkirî betal kirine. HARTÛM
