Balafirên şer ên dewleta tirk bombe li herêma Bradostê barandin. Ji ber bomberdûmanê 3 pêşmerge birîndar bûn
Balafirên şer ên tirk serê sibehê bombe li Geliyê Şêx Zazanî yê gundê Mêrgereş ê Bradostê barandin. Ji ber bomberdûmanê şewat li Deşta Hêrtê ya Bradostê derket.
Li gorî agahiyên ji çavkaniyên xwecihî hatin wergirtin, piştî ku şewat li Deşta Hêrtê derket hêzên pêşmerge çûn herêmê. Piştî ku pêşmerge gihîştin herêmê, balafirên şer careke din bombe li herêmê barandin.
Ji ber bomberdûmanê sê pêşmergeyên Hêza Pêşmerge ya 80’ê ya PDK’ê birîndar bûn. Hate ragihandin rewşa pêşmergeyê bi navê Xuşewî Mîkaîl giran e.
Tê gotin balafirên şer yekser bombe li pêşmergeyan barandine û di encamê de lingê pêşmergeyekî jî jê bûye. BRADOST
