Teyareyanê şerî yê artêşa tirkî saetanê rewe yê serê sibayî de Dola Şeyh Zade de da dewijan ro 4 dewijî birîndar bîyî
Hêrişê îşxalkarîye yê dewleta tirkî yê vera Xakurkê û bobardûmanê herêmanê sivîlan dewam kenê.
Hêrişêkê plankerde vera cayanê sivîlan yenê viraştene de hêga, bag, bexçe yê şarî yenê tafînayene. Binşewe erazîyê şarî yê Dola Şeyh Zade ameyî tafînayene. Dewijanê ke saetanê serê sibayî de waşt ke şewat hewna bikerê hetê teyareyanê şerî yê artêşa tirkî hedef ameyî girwetene. Hêrişê de yewê ci xidar çar dewijê dewa Merga Reşê birîndar bîyî. XAKURKÊ
