Meha remezanê li Kerkûkê bi lîstika sinî û zerf xweş bû û çû serî. Ev lîstika ku navê wê ji kurdî tê, di nava hemû civakên bajêr de tê lîstin û kêliyekê be jî rikeberiyên di navbera kurd, ereb û tirkmenan de dide alî di remezanê de. Şano esker ê 30 salî li ser lîstikê dibêje, “Mirov jê re dibêje gema yan jî lîstika civakê, ji ber ku ew bi rastî jî civakan tîne cem hev.
Lîstik li dora keleha bajêr, li kolanên dîrokî yên bajêr li qehwexaneyên ku cihê rûniştina wan li derve tê lîstin. Çavê her kesî li sêniya sifrî û 11 zerikên piçûk ên rengezêr e. Di navê de yan zarek yan jî gustîlkek veşartî ye. Divê kesên pê dilîzin tê derxin ka ew zar yan jî gustîlk di bin kîjan zerika piçûk a rengezêr de ye.
Lîstikeke din a ku ji nava çanda kurdî berê xwe heta bi Bexdayê biriye û di remezanê de tê lîstin, gustîlk/hungulîsk e. Di nava du koman de serekê koma hene, û ev serek di nava kesên ji koma xwe de gustîlkê bi dizî dide kesekî. Koma hember divê ji mîmik û helwêsta lîstikvanên hember tê derxe ka gustîlk bi kê re ye.
Di nava kurdan de maşik, sobe ji bo lêbûna texmîne ferz bûn, yanî heger aliyek nebêje “bi sobê yan jî bi maşê tu pûç” aliyê din divê bersivê nede, heger bide wê xapiyabe.
Axir ev lîstikên kevnar ên civakî heta bi nav gelek civakan çûbin jî li nava kurdan bi xwe her diçe kêm dibin, belkî cejn û erefat bibin sedem ku lîstik ji Bexdayê vegerin Kurdistanê dîsa. KERKÛK / BEXDA
