Namzedê CHPyî yê Şaredarîya Bajarê Girdî yê Stenbolî Ekrem Îmamoglûyo ke seba programanê xo yê Ordû û Gîresûnî, Teyaregehê OR-GÎyî xebetnayêne, berê VÎPî ra nêgirîya teyaregehî
Namzedê Partîya Komarî yê Şarî (CHP) yê Şaredarîya Bajarê Girdî yê Stenbolî Ekrem Îmamoglû badê mîtîngê xo yê Trabzonî seba şîyayîşê programanê xo yê Ordû û Gîresûnî Teyaregehê OR-GÎyî xebetnayêne. Ame zanayene ke Îmamoglûyî berê VÎPî ra nêgirîyayo teyaregehî
Îmamoglûyo ke xebetnayîşê VÎPî ci rê ame astengkerdene, hetê Walîtîya Ordûye ra tehdîtê mudaxaleyî ci rê ame werdene. Walîtîya Ordûye Îmamoglûyî gêra û nê çîyan ci rê va: “Eke ti mîtîngê xo saetê ke ameyî dayene de nêqedînî ma do mudaxale bikerî.”
Îmamoglûyî zî nê çîyan va: “Walî wezîfeyê xo yê karmendîya dewlete bi caa nêana. O palkursîyanê vengan dagir kerdo.”
