Li Hon Kongê li dijî pêşnûmeyeke qanûnê ku dersînordarkirina kesan a ber bi Çînê ve hêsan dike, derketin kolanan
Li Hon Kongê mezintirîn çalakiya protestoyî ya van 15 salên dawî hate lidarxistin. Organîzator li bendê bûn ku zêdetirî 500 hezar kes tev li çalakiyê bibin. Bi sed hezaran kes derketin kolanan û pêşnûmeyeke qanûnê ku gumanbaran dersînorê Çînê bikin û li wir werin darizandin, şermezar kirin.
Dijberên pêşnûmeya qanûnê ji her beşên civakî yên mîna parêzer, xwendekar, dilxwazên demokrasiyê û komên dînî pêk dihat. Di meşê de çalakvanan dirûşma ‘Ji dersînorkirina Çînê re, ji yasaya bêqidoş re na’ berz kirin. Çalakvanan xwest ku serokê rêveberiya Hong Kongê Carrî Lam îstîfa bike.
Bi pêşnûme qanûnê der barê dersînorkirina gumanbaran re, dikare kesên gumanbar bi awayekî hêsan bişînin 20 welatên ku beriya niha peyman bi wan re hatine îmzekirin. Piştî ku Komara Gel a Çînê jî kete nava pêşnûmeyê, fikar zêde bûn. Hon Kong ku mêtingeriya berê ya ingilîzan bû, li gel ku xweseriya wê û pergaleke wê ya edlî heye jî, bi şertê ku azadiya mîsoger bike bi Çînê ve hatibû girêdan. HONG KONG
