Qezya Qislê ya Dêrsimî de bi seyan mêsê hingimênî yê ke kuwareyanê xo ra vejîyayî da çar kesan ro. Hemwelatijan ra kesêk cuya xo vîndî kerde
Dewa Yayikagilî ya qezaya Qislê ya Dêrsimî de rîyê pirodayîşê hingeyan ra Kazim Çadirli (62) cuya xo vîndî kerde û hîrê hemwelatijî birîndar bîyî.
Birîndaran ra Hidir Açil bi sebebo ke rewşa ci xidara Merkezê Weşîyê yê Komelê Qislê ra ame berdene bi Nêweşxaneyê Dewlete yê Dêrsimî. Cenazeya Kazim Çadirliyî zî semedê otopsî wedarîya morgê nêweşxaneyî. DÊRSIM
