Li başûrê Çînê ji ber barîna barana zêde lehî rabû û herî kêm 19 kes jiyana xwe ji dest da
Li gorî medya Çînê, li Herêma Xweser a Guangksi Zhuang a li ser sînorê Vîetnamê, hefteyeke baraneke zêde dibare. Ji ber vê barîna barana zêde li herêmê 12 kes jiyana xwe ji dest da û lehî bandorê li zêdeyî 570 hezar kesî kir.
Hate ragihandin ku gelek xanî ji ber lehiyê hilweşiyane û xisareke mezin li zeviyên çandiniyê bûye.
Li herêma Guangdongê jî gelek rê û xanî ji ber barana zêde hilweşiyan. Hate ragihandin ku heft kes mirine û kesek jî windaye. PEKÎN
