Li bajarê Uppsala yê Swêdê semînera li ser lehengiya jinên kurd û YPJ’ê hate dayîn, rastî eleqeyeke zêde hat
Li bajarê Uppsala yê Swêdê partiya bi navê Însiyatîfa Femînîst, Navenda Civaka Kurd a Demokratîk a Uppsalayê, ji bo serwextiyên Tevgera Jinan a Kurdistanê vebêje, vexwend civîna endaman.
Sê endamên jin ên Komalayê yên berpirsyarê kar û barê derve, ji nêzî 50 endamên partiyê yên tev li civînê bûyî re, di derbarê tecrîdkirina Rêberê Gelê Kurd Abdullah Ocalan û berxwedanên greva birçîbûnê ku bi pêşengiya hevseroka KCD’ê Leyla Guven destpê kiribû de semînereke berfireh dan.
Di cîvînê de jinên kurd, bal kişandin ser Şoreşa Rojava ku bi pêşengiya jina kurd pêk hat û diyar kirin ku her diçe destketiyên nû li destketiyê heyî tên zêdekirin; hemû çand, gel û bawerî tên hembêzkirin. Her wiha di derbarê Gundê Jinwar a li rojavayê Kurdistanê hatî avakirin de jî agahî hat dayîn.
Dîsa di civînê de lehengiya jinên kurd, berxwedana YPJ’ê û ya hêzên PKK û YPG’ê ya di dema êrîşa DAIŞ’ê de hate vegotin. Hate gotin ku jinên kurd û hêzên PKK-YPG’ê civaka êzidî, bi lehengiyeke bêhempa ji fermanê rizgar kir.
Her wiha piştî axaftinan seminer bi dirûşma ‘Jin jiyan azadî’ bi dawî bû. UPPSALA
