Li gorî anketa saziya Ipsos a kanadayî, rêjeya mirovên li gelemperiya dinyayê ji nûçeyên derewîn ên li ser medya civakî bawer dikin ji sedî 80 zêdetir e
Salên dawî li hin welatên pêşketî nûçeyên derewîn li medya civakî derdikevin pêş ku di asta karibe bandorê li encamên hilbijartinê bike weke rêbazeke propagandayê tên bikaranîn.
Li gorî anketa şîrketa lêkolînê ya kanadayî Center for International Governance Innovation (Ipsos), ji sedî 86 kesî herî kêm carekê baweriya xwe bi nûçeyên derewîn aniye. Ji sedî 82 yê beşdarên anketê dibêjin, hin nûçeyên derewîn an jî temamiya wan li medya civakî bi taybetî li Facebookê tên weşandin.
Ji mirovên ku dibêjin nûçeyên bi vî rengî li medya civakî dîtine ji sedî 77 bikarhênerên Facebookê ji sedî 62 jî bikarhênerên Twitterê ne.
Di anketê de hate aşkerekirin ku li Misir, Nîjerya, Hindistan, Çîn, Meksîka û Hong Kongê, nûçeyên derewîn ên li medya civakî tên weşandin di asta ji sedî 56 heta 60 de mirovan dixapînin.
Li gorî anketê li Fransayê ji sedî 38, li Dewletên Yekbûyî yên Amerîkayê ji sedî 36 ê mirovan baweriya xwe bi nûçeyên derewîn tînin. Ya balkêş ew e ku ev rêje li Pakîstanê gelekî kêm e û di asta ji sedî 26 de ye. AMED
