Hemşaredarê HDPyî yê ke rayberîya hemşaredarê Bajarê Girdî yê Amedî Selçûk Mizrakliyî de ameyî têhet problemê îdareyanê cayîyayan girewtî dest
Hemşaredarê Partîya Demokratîke ya Şaran (HDP) ê merkez û qezayanê Amedî bi rayberîya hemşaredarê Bajarê Girdî yê Amedî Selçûk Mizrakli Amed de kombîyayîşêk viraşt û problemê xo girewtî dest.
Hemşaredarê Bajarê Girdî yê Amedî Selçûk Mizrakli yo ke kombîyayîş de qisey kerd derheqê zîyaretkerdişê heyetê Yewîya Mîyanê Parlamenteran o ke pabesteyê Yewîya Neteweyîye yo de zanayîş da. Mizrakliyî qalê xebatanê înan kerd û da zanayene ke ê giranê danê xebatanê Konseya Kentî.
Dimayê qiseykerdişê Mizrakliyî hemşaredaranê qezayan derheqê xebatanê xo de zanayîş dayî. Hemşaredaran dîyar kerdî ke bi koordînasyonêko binê serbanê Şaredarîya Bajarê Girdî yê Amedî do bêro ronayene, problemanê bajarî do bêrê çareserkerdene. AMED
