Adiro ke netîceyê pêrodayîşî de bi Koyanê Omerîyan yê Nîsêbînî kewt hema zî dewam keno. Destûr nêdîyeno ke adir bêro hewnakerdene û adir vilayê dewanê deşte bî
Her serre bi mehneya ‘pêrodayîş vejîyayo’ adir bi Koyanê Omerîyan yeno vistene. Adiro ke netîceyê pêrodayîşî de bi Koyanê Omerîyan kewt hema zî dewam keno. Vizêr saetanê roje de dewijî waştî ke mudaxaleyê adirî bikerî, la eskeran destûr nêdayî. Ame zanayene ke adiro ke nîno hewnakerdene heta dewanê deşte vila bî.
Eskeran destûr nêdanî adir bêro hewnakerdene
Goreyê îdîayanê ke dewijan vanî eskeran destûr nêdanî ke adirê dewanê Talat, Serêkaniyê û Çalê bêro hewnakerdene û nê cayan de netîceyê operasyonê eskeran de adir vejîyayo. Dewijan hewl dayî ke adir hewna bikerî, la eskeran înan rê vatî ‘Şima wazenê mudaxale bikerî, la asayîşê şima ra ma berpirsîyar nîyî.’
Adir dewanê deşte de vila bî
Adir wextêko kilm de vilayê herêmêko hîra bî û destûr nêdîyenoke bêro hewnakerdene. Nika adir resayo heta dewanê deşte. Adir rayîrê Mêrdîn-Nisêbînî ra daxî asîyeno û hetê şewe de kismêko zaf tay hetê dewijan ra ame hewnakerdene. La adir hema zî dewam keno.
Eşkerayîya walî
Walîtîya Mêrdînî derheqê operasyonî de eşkerayî daye û eşkerayî de wina vana: “Hêzê ma yê asayîşî çarçeweya operasyonê bi piştîya hewayî 12ê Hezîranê de Herêma Omeryanî ya Nisêbînî de operasyon pê ardî. Mensubê rêxistine ra 1 cinî û 2 camêrdî cuya xo vindî kerdî.” MÊRDÎN
