Herêma Omeryanî ke badê şerî şewat tede vejîyabi de her ke şono adir gird beno. Îtfaîya û hemwelatijê herêma Omeryanî hewl danî ke şewatî hewna bikerê, labelê hetê eskeranê tirkî ra yenê astengkerdene. Hemwelatijan seba hewnakerdişê şewatî venga da
Çolê Dewa Çalê ya herêma Omeryanî ya qezaya Nîsêbînî ya Merdînî de badê şerê mabênê artêşa tirkî û gerîlayan şewat vejîya. Şewat her ke şono vila beno. Şewato heta dewanê Xerabê Bava, Stîlîle, Ziving û Kurikê Stîlîlê vila bîyo. Eskerê tirkî nêverdanê ke ekîbê îtfayan, hemwelatijê herême şorê cayê şewatî û şewatî hewna bikerê. Hemwelatijanê Omeryanî seba hewnakerdişê şewatî venga da
Vengdayîş: Ganî her kes bêro tîya
Hemwelatijê herême ke bi îmkananê xo hewl danî ke şewatî hewna bikerê, hetê artêşa tirkî ra yenê astengkerdene. Şarî da zanayene ke her ke şono şewat vila beno û ganî mudaxele bêro kerdene, nêbo cayê ciwîyayîşî şewatî ra zirarêko gird vînenê. Hemwelatijanê herême vengdayîş bi hîsgêran kerd û va: “Destê kamî ra çi yeno ganî bikero. Ganî her kes çi keweno dest bigêro bêrê tîya. Esker nêverdano ke ma şewatî hewn a bikerê. Tîya de zaf hewcedarîya ma bi zerrîwazan esta.” MÊRDÎN
