Qezaya Çinarî ya Amedî de70 donim xeleyê berardekerde veşîya û heme bî wel
Dewa Melpolatî ya qezaya Çinarî ya Amedî de70 donim xeleyê berardekerde veşîya û heme bî wel. Saetanê nîmerojî de adir bi erdê xeleyan kewt û 70 donim erd bî wel. Hemwelatîyê ke vînayî adir bi erdê xeleyan kewto vendayî selahîyetdaranê adirhewnakerdişî. Ekibê adirhewnakerdişî û hemwelatijî şîyî raşteyê şewatî û adir hewna kerdî. Adir badê mudaxaleya bi saetan ame hewnakerdene. Sebebê şewatî nêame zanayene. AMED
