Li Çerxerêya Sonî ya Qamişloyê wesayîteke bombebarkirî hate teqandin. Di encama teqînê de hinek welatî birîndar bûn û zirar gihîşt mal û milkê welatiyan. Hêzên ewlehiyê li cihê bûyerê mayinek jî dît û bêbandor kir
Îro saet derdora 13.30’an de li bakurê Çerxerêya Sonî ya li navenda Qamişloyê teqînek pêk hat. Li gorî agahiyan, teqîn bi rêya wesayîteke bombebarkirî ya bi cureya ‘Van’ pêk hat. Di encama teqînê de çend welatî birîndar bûn û zirar gihîşt mal û milkê welatiyan.
Piştî teqînê, Hêzên Ewlekariya Hundirîn hatin cihê bûyerê û dest bi lêkolînan kir. Di dema lêkolînê de hêzên ewlekariyê li nêzî cihê teqînê mayinek dît. Mayin ji hêla hêzên ewlehiyê ve hate bêbandorkirin.
Têkildarî teqînê heta niha tu agahiyên zelal nehatine dayîn. QAMIŞLO
