Li eyaleta Bihar a bakurê Hindistanê di nava 48 saetên dawî de herî kêm 78 kes ji ber germahiya zêde mirin
Li eyaleta Bihar a li bakurê Hindistanê pileya germahiyê her ku diçe zêdetir dibe. Hat zanîn ku li herêma Biharê di demên dawî de pileya germahiyê heta 45’an derket.
Rayedarên Hindistanê ragihand ku ji ber germahiya zêde, di nava 2 rojan de herî kêm 78 welatiyan jiyana xwe ji dest da û 130 welatî jî rakirina nexweşxaneyan.
Hate diyarkirin ku kesên ji ber germahiyê mirin, temenê wan bi ser 50 salî ye. Rayedaran li bajarokê Gaya ku herî zêde bi germahiyê bi bandor bûye, qedexeya derketina derve ji bilî rewşên awarte hate ragihandin. Aktivîteyên li şantiyan û derve di navbera saet 11:00’an û 16:00’an de hatin qedexekirin.
Li Hindistanê îsal pêla germahiya giran a 32 rojan çêbû. Herî dawî sala 1998’an de pêla germaniya zêde ya 32 rojan çêbûbû. Li aliyê din li eyaleta Biharê ji serê vê mehê ve nêzî 100 zarok ji ber nexweşiya îltihaba mejî mirin.
