HDP’ê ji bo lêkolîna qetlîama ku li navçeya Siweregê ya Rihayê heyetek ava kir û heyet dê biçe navçeyê û lêkolînan bike
Di 15’ê heziranê de li Gundê Çeltîkê ya Navçeya Sîwerega Rihayê xizmên Parlamenterên AKP’ê Zulfîkar Îsol bi ser malbatek Îzol de girtin û ji malbatê 4 kes kuştin. Her wiha wesayîtên wan li 2 ciwanan qelibîn û herdu ciwanan jiyana xwe ji dest da. Di êrîşa AKP’iyan de bi giştî 6 kes hatin qetilkirin.
HDP’ê ji bo qetlîamê lêkolîn bike heyetek ava kir û têkildarî mijarê wiha got: “Li navçeya Siweregê ya Rihayê bûyera ku weke ‘şerê eşiran’ hate nîşandan lê di dîmenên hatine weşandin de şopên komkujiyê hene ji bo lêkolîna bûyerê partiya me şandeyek ava kir. Bi vê armancê şandeya ku ji parlamenterên me yên Riha û parêzeran pêk tê wê sibê bi rêxistinên civaka sivîl, şahidên bûyerê û malbatên bûne mexdûr re wê bicive û têkildarî bûyerê lêkolînan bikin. Şandeya me wê piştî lêkolînan di demek herî nêz de rapora çavdêrî û agahdarkirinê bi raya giştî re parve bike.” ENQERE
