KCDK-E’yê bang li wan kesên ku plan dikin biçin li Tirkiyeyê betlaneyê bikin kir û wiha got: “Tûrîzm hatineya sereke ye ku ji bo şer tê bikaranîn.”
Dîwana Hevserokatiyê KCDK-E’yê daxuyaniyeke nivîskî weşand û ji bo boykotkirina tûrîzma tirk bang kir. Di daxuyaniyê de KCDK-E’yê ji welatiyên ku li Ewrûpayê dijîn xwest ku di betlaneyê de neçin Tirkiyeyê, nebin hevparê şer û destnîşan kir ku dewleta tirk nêzî 40 sal in hemû çavkaniyên aborî û siyasî bi kar tîne û li dijî kurdan şerekî giran dimeşîne.
KCDK-E’yê ragihand ku beşeke mezin a çavkaniyên aboriya dewleta tirk ji bo şer tê bikaranîn û diyar kir ku tûrîzm dahateya sereke ye ku di şer de tê bikaranîn.
Di daxuyaniyê de her wiha hişyariya hin welatên Ewropayê jî hate bibîrxistin û ev tişt hat gotin: “Gelek welatên Ewropayê û hêzên navneteweyî bi rengekî fermî hişyarî dan welatiyên xwe ku ji bo tûrîzm û betlaneyê neçin Tirkiyeyê. Destnîşan kirin ku Tirkiye ji bo tûrîzmê welatekî ewle nîne.”
Di daxuyaniyê de bang hat kirin ku ji bo armancên şer ên desthilatdariya AKP-MHP a faşîst di ber wan de bimîne, betlaneya xwe ya ku plan dikin li Tirkiyeyê pêk bînin betal bikin û nebin hevparê şer. BRUKSEL
