Şandeya Rêveberiya Xweser a Bakur û Rojhilatê Sûriyeyê li Osloyê bi bi Nûnerê NY’yê Taybet ê Sûriyeyê Geir Pedersen re civiya
Bi çavdêriya Wezareta Karên Derve ya Norweçê û Navenda Diyaloga Mirovî, 17’emîn komcivîna Osloyê di rojên 17 û 18’ê hezîranê de li peytexta Norweçê Osloyê hate lidarxistin. Di komcivînê de gelek kesayetên nadewletî yên weke Nûnerê Neteweyên Yekbûyî (NY) yê Taybet ê Sûriyeyê Geir Pedersen, Wezîrê Karê Derve yê Îmaratê Enwer Qirqaş, Wezîra Karê Derve ya Norwêçê Ine Marie Ericksheten Surayde û nûnerê serokatiya Amerîkayê yê Taybet Koalîsyona Navnetewî ya li dijî DAIŞ’ê yê berê Brett MacGorek jî amade bûn.
Di civînê de şandeyeke ji Rêveberiya Xweser a Bakur û Rojhilatê Sûriyeyê jî tev li komcivînê bû. Di şandeyê de endama Koordînasyona Kongreya Star Foza Yûsif û endamê Meclisa Damezirîner ê Meclisa Sûriyeya Demokratîk (MSD) Mihemed Hesen Elî jî amade bûn.
Li gorî agahiyên ji çavkaniyan, di civînê de têkildarî çareresariya siyasî ya aloziya Sûriyeyê nîqaş hatin meşandin. Hêjayî bibîrxistinê ye ku cara yekemîne ku NY di vê astê de bi nûnerên Rêveberiya Xweser a Bakurê Sûriyeyê re dicive. OSLO
