Ame zanayene ke Zîndanê Xarpêtî yê bi Asayîşê Berzî yê hûmara 2ine de, vera tepişteyan ê ke odayanê yewkesan de manenê muameleyê xirabî û îşkence zêde bî
Hepisxaneyê Xarpêtî yê bi Asayîşê Berzî yê hûmara 2ine yo ke ge-ge bi binpaykerdişanê heqan yeno rojdem de, ame vatene ke îşkence bi zêde.
Ercan Încelero ke Zîndanê Şakranî de sey ‘îşkencekar’ name kerdo, par dimayo ke Zîndanê Xarpêtî yê bi Asayîşê Berzî yê hûmara 2ine dest bi mudirîyê kerd, tîya de îşkence û zextî bîyî zêde.
Ame zanayene ke dimayê qedênayîşê grevê vêşanîye yê ke seba wedaritişê tecrîdê serê Rayberê Şarê Kurdî Abdullahî Ocalanî dest pêkerdibî, mudaxeleyê tibî yê tepişteyan bi hawayêkê binîzamî nêameyo kerdene.
Goreyê zanayîşê ke ameyê girewtene, zîndan de caardişê teberê merdimîye û îşkenceyo sîstematîk yeno kerdene:
– Odayan çarkesan de 8 kesî, odayan heştkesan 15 kesî manenê.
– Înceler keno ke hûmartişê tepişteyan paya bido kerdene û tepişteyê ke nê qebûl nêke zî yenê derbkerdene û mexrûzê îşkenceyan manenê.
– Tepişteyê ke hucreyanê tek û hîrêyinan de manenê zî, Înceler keno ê pawa bêrê hûmaritene.
– Pêvînayîşê avûkatan bi kamerayan yenê qeydkerdene.
– Dimayê avûkatan reyde pêvînayîşan gardîyanî erzenê serê hucreyan.
– Tepişteyanê ke pêvînayîşî kerdê, yenê derbkerdene, odayê ke ame bi berdene mexrûzê îşkenceyanê sîstematîkan benê.
– Wextê sereştişanê qawişan de mektube û kitabê ke estê yenê girewtene.
– Agêrayîşanê qawişan de qelamê sûrî, mûçîne û meqesê nenûqan yenê girewtene
– Rojnameyê Cumhurîyet, Evrensel û Yenî Yaşamî bi bihaneyê ‘sazgehî kenê xeternakî’ ra nênê dayene.
Parlamenterê Partîya Demokratîke ya Şaran (HDP) yê Wanî Tayîp Temelî wextêk verê cû derheqê îşkenceyanê Zîndanê Xarpêtî yê bi Asayîşê Berzî yê hûmara 2ine persnûmayîş dabi meclîsî. XARPÊT
