Gama ke merdimî newe paşta xo kenê rast, gameeştişî mûsenê, payanî şinê, xo nas kenê û pîya bi nê dinya nas kenê, mana dane ci û dest bi kedîkerdişê heywanan kenê
Merdimî gama ke dest bi payanîşîyayîşî kenê, xo nas kenê û pîya bin ê dinyaya xo nas kene û heywanan kedî kenê. Sere de kutik, dima ra pisînge, estor yene kedîkerdene û na rêza heywananê ke yene kedîkerdene dewam kena. Bi nê kedîkerdişî tayê tewirî vurênê, tayê hûmara înan xoza de bena kemî û tayê zî, sey kutik û estoran, zede benê.
Rêza koyanê Toros-Zagrosî ke sey dergûşa merdimîye zî yena zanayene, bi estbîyayîşê gerîlayan, bi ganebîyayîşê xo hemverê wasitayanê modernîteya kapîtalîste de bi înad xover dana. Tayê menzereyî estê ke bi merdiman ‘ganebîyayîşê cuya neolîtîke’ danê vatişî, îspatêkê tewr pîlî yê xoverdayîşê merdimîye zî gerîlayê azadîya Kurdistanî yê.
Hurznayîşê serê di lingan yan zî serenermkerdiş
Terbîyekerdişê estoran ke verê bi hezaran serran çaxê neolîtîkî yan zî verneolîtîkî de dest pêkerdo, ewro sey moda yan zî sporêkê elîtî yeno dayene. La bi zîrekîya xo ya ke merdiman rê xizmet kenê, meydananê şerî de yê, bar wegênê, seyd de ca gênê û spor de hetkarê merdiman ra tewr pîl estor o. Na rastî rixmo ke tarîx aver şino zî hewna dewam kena. Estor yan zî qantiro ke tersaye yan zî oyo ke sey gêjan erazî de bevindertiş vaz dano yan hurzeno di linganê xo ser o yan zî xo sey pisîngêka sernerme teslîmê wayîrê xo keno.
Cinîyê ke newe estorî terbîye kenê
Cinîyê neolîtîkî yê ke toximê ekonomîya zîretî ronayê, heywanan zî kedî kena, terbiye kena. Cinîyê Mezopotamyayijî ke temsîlê cinîyan ê neolîtîkan ê, asayîşê koma xo zî fikirênê, ewro zî bi nê hawayî têgêrenê.
Gerîlaya cinî ya ciwane vana zaf muhîm o ke kes bizano tirem estor xo rind vîneno yan nê. A reya ewilêne mîyanê gerîlayan de estorî vînena û wina vana: “Sere de, seba ke mi verî qe estor, qantir û her nêdîbî ez zaf tersayêne, la gama ke merdim ewnêno çimanê înan ra, seke ziwanêk înan estbo û ruhê înan qisey bikero, veng dane şima. Gama şima biwazê bi înan çîyêk bikerê, şima biewnîrê çimanê înan ra fam kenê ke merdim do bieşko bikero yan nê. Ge-ge qesawetê estorî ra merdim eşkeno fam bikero ke tirem erazî de bê gerîla tayê kesê bînî estê yan nê. Estorî payanî rakewenê. Zaf rincan bê zî, gama ke xo erazî de biasayîş hîs nêkerê, xo nêgeveznenê û nêkewenê ra, zafane gama ke vînenê embazî nobete gênê rakewenê.”
Gerîlaye bale ancena serê vatişê hemraya xo ya ke verî vatibi ‘Eke şoriş virazîya, ganî merdimî abîdeyê estor-qantiran virazo’ û va: “Çunke zeylî xizmetê înan şorişî rê bîyo.”
‘Jetê PKKyî estê!’
Tirêm Tansû Çîlere yena şima vîrî? Yan zî çewî aye xovîr ra kerdo? Gama ke ma vanê neolîtîk, terbîyekerdişê estoran, mevajê çi eleqeyê nê bi gerîlayan esto. Reyêk vatişê vengî kerdîbî, seba gerîlayanê PKKyî vatibi, ‘teyare-jetê înan estê.’ Para estoran naye de zaf bi. Şerê gerîla yê bêcîhaz û bêtêlî de vatişê ‘teyareyî’ seba estoran yeno şuxulnayene, seba ke dewleta tirkî nêeşkabî na şifre bişikno, no bibo sebeb ke rayapêroyîye bi ê vatişan bixapênê. BEHDÎNAN
Çime: Dîlpak Dag / ANF
