Cenazeya Muhammed Ozcano ke 4 rojî verî awa Royê Dîcle de şi, ameye vînayene
Nizdê Pirdê Kabê yê pabesteyê qezaya Sûrî ya Amedî 20ê Hezîrane de Muhammed Ozcan (18) seba ke xo Royê Dîcle de bişo kewt royî û awe de şi. Seba vînayîşê Ozcanî 4 rojî yo xebatê cigêrayîşî dewam kenê. Grûbanê Cigêrayîş û Xelesnayîşî yê Daîreya Îtfaîye ya Şaredarîya Bajarê Girdî ya Amedî 4 rojî yo cigêrayîş kenê û ewro cenazeya Ozcanî ame vînayene.
Cenazeya Ozcanî 2 kîlometre dûrê cayê ke xo kerd Royê Dîcle de ame vînayene û seba otopsî wedarîya Nêweşxaneyê Dewlete yê Selahattîn Eyyûbî yê Amedî.
Tehqîqato ke derheqê hedîse de ame akerdene dewam keno. AMED
