Stratejîya kurdan ya seba binfînayîşê îqtîdarê AKP-MHPyî Stenbol de reyna bi ser kewte. Hendî meşrûtîyet û hêzê îdarekerdişî yê îqtîdarî nêmend. Seba hêzanê demokrasîyî zî dewrêko biumîd, la zehmet dest pêkeno
Kurdî hêzê bingeyên ê ke 210 serrî yo polîtîkaya zereyî û teberî ya dewleta tirkî bewlî kenê. Kurdan qîmê xo bi dewamkerdişê estbîyayîşê xo nêard û seba wayîrbîyayîşê statuyêk dest bi mucadeleyî kerd. Bi rayîr û metodanê şidetî cewab dîya waştişê kurdan.
Herinda ke tewrê şerê îqtîdarî yê tradîsyonelî yê dewleta tirkî bibê, kenê ke bi rayîrê hîrêyinî vejîyo teberê di blokanê Tirkîya. HDP û sazîyê pabesteyê ci organîzasyonê sîyasetê demokratîkî yê. Loma stratejî û taktîkê ke vejênê werte berhemê eqlê hemparî yê û xo sey ahengê vîzyonê ameyoxî ramojnenê.
Stratejîya HDPyî ya ke di bingeyan ser o netîceyê weçînitişê 31ê Adare bewlî kerd, bi nê hawayî bi. Na stratejîye waştêne ke Vakurê Kurdistanî de qeyûmanê kolonyalîstan biqewerno û metropolanê Tirkîya de zî îqtîdarê AKP-MHPyî û sazîyanê înan ê dînperest-nîjadperestan bin fîno, zafane bi ser kewte.
Îqtîdarê AKP-MHPyî dest ra şîyayîşê paytextê Tirkîya qebûl kerd, la vînîkerdişê Stenbolî qebûl nêkerd. Stenbol bi nufûs û awanîya xo wayîrê ekonomî û kulturêkê giranî yo. Sey cayê transferê sermayeya teberê exlaqî ameyêne dîyêne. Seba ke Stenbolî rê payeyê ‘bajarê pîrozî’ yê bidinyaameyîşê yew şexsî ameyêne dayene, vînîkerdişê Stenbolî ameyêne manaya ‘mergê sîyasîyî’. Naye ra înan huqûq û qanûn da hetêk û weçînitişê Stenbolî newe ra viraşt.
Bêguman tewirê HDPyî, tewirê kurdan netîceyê weçînitişî de bewlîkerdox bi û no nêeşkeno bêro înkarkerdene. Stratejîya HDPyî nêvurîya; seba ke reyna AKP-MHP bêro binfînayene hemserekê partîye, parlamenterî, hemşaredarî, organîzasyonê HDPyî yê bajarî û qezayan pîya bi heme sazîyanê xo xebetîyayî. Îqtîdarê AKP-MHPyî seba ke sebebê binkewtişê xo yê 31ê Adare zanayêne dest bi bikarardişê ziwan û pratîkêkê dihetî kerd. Hetêk ra tabelayê Kurdkî ardî warî; hetêna ra namzedê xo berd heta Amed û bi şekirê ‘mebûsê Kurdistanî’ muracatê hîleyan kerd. Hetêk ra seba îşxalî hêrişê Xakurkê kerd; hetêna ra zî bi qedînayîşê tecrîdî yo ke bi xoverdayîşî bi kerd ke zûra ‘şerê mabênê Îmrali-Qendîl-HDPyî bi bawerkerdene.
Tîfaqê AKP-MHPyî vizêr Stenbol de bin kewt. Îqtîdarê 25 serran ê Erdoganî, îqtîdarê 17 serran ê AKPyî û îqtîdarê 4 serran ê MHPyî Stenbol de bin kewt, bi ferqê se ra desî, yanî bi heşt sey hezar rayan bin kewt. Îqtîdaro mewcûd bi tesîrê Kurdan ê xurtî verê berê mergî de yo. Beno ke îqtîdarêko bi nê hawayî fek dişmenîya Kurdan ra vera nêdo û hîna bi hêrişkarî tê bigêro. Prosesêko newe yê sîyasî û merheleyêka newî ya mucadeleyî dest pêkena. Çîyo ke HDP û pabesteyê ci bikerê zî bicaardişê stratejîya heman mucadeleyî yo. STENBOL
