Serekê YSKyî Sadî Guvenî derheqê netîceyê weçînayîşê Stenbolî yo ke newe ra ameyo kerdene û derheqê prosesê îtîrazî de eşkerayîye da
Serekê Heyetê Weçînitişî yê Berzî (YSK) Sadî Guvenî derheqê netîceyê weçînayîşê Stenbolî yo ke 23ê Hezîrane de amebi kerdene de eşkerayîye da.
Guvenî derheqê weçînayîşî de vat ke “8 mîlyonî û 925 hezarî û 63 weçînayoxan rayê xo dayî û 178 hezarî û 599 rayî ameyî betalkerdene. Nisbetê tewrbîyayîşê weçînayîşî zî se ra 84,5 o. Ekrem Îmamoglûyî 4 mîlyonî û 741 hezarî û 868 rayî girewtî, no zî keno se ra 54.21. Bînalî Yildirimî zî 3 mîlyonî û 935 hezarî û 453 rayî girewtî û no zî keno se ra 44.99.”
Guvenî derheqê prosesê îtîrazî de zî va: “Roja Sêşemeyî heta saet 15.00 eşkenê seba îtîrazî muracat bi heyetê weçînitişî yê qezayan bikerê. Îtîrazê seba heyetê weçînitişî yê bajaran zî heta roja Îneyî saete 17.00 eşkenê berê kerdene. Muracatê îtîrazî yê seba Heyetê Weçînitişî yê Berzî zî do tewr peynîye de bêro kerdene.” STENBOL
