Cenazeyê endama YPS’ê Hazal Aslan ku dema qedexeyên derketina derve ya Cizîrê hat şewitandin û kuştin, piştî 40 mehan hat teşhîskirin û hat definkirin
Endama YPS’ê Hazal Aslan dema qedexeyên derketina derve ya Cizîrê ku di 14’ê Kanûna 2015’an dest pê kir û heta 79 rojan berdewam kir de li jêrzemînekê hat şewitandin û kuştin. Cenazeyê Aslan ku di 16’ê Sibata 2016’an de hatibû şewtiandin û kuştin, piştî 40 mehan hat teşhîskirin û radestî malbata wê hat kirin. Malbata Aslan piştî ku cenazeyê keça xwe ji Goristana Bêkesan a Rihayê derxist, birin navçeya Rêya Amûşê ya Wanê li Goristana Yenîmahelleyê veşart.
Girseya gel ku xwest tevli merasîma cenazeyê Aslan bibe ji aliyê polisan ve hat astengkirin. Tenê destûr dan ku malbata Aslan. Piştî vecîbeyên olî cenazeyê Aslan hat veşartin. Piştî veşartina cenaze girseya ku li hev kom bûbû jî ji hev belav bû. WAN
