Edene de bi operasyonanê qirkerdişê sîyasîyî 33 ciwananê destbendkerdeyan ra 7 tenî ameyî tepiştene
Bi fermanê Serdozgerîya Komare ya Edeneyî, 17ê Hezîrane de hemverê endamanê Meclîsê Ciwanan ê HDPyî, Edene, Antalya, Nîgde û Mêrdîn de operasyon amebi viraştene, 6ê înan domanî 33 kesî ameybî destbendkerdene. Êyê ke ameybî destbendkerdene berdî Edlîyeya Edeneyî.
Gaffar Meşe, Nûrî Erol, Rêber Kiliç, Pinar Bozane, Cîgerxwîn Guven, Yasîn Çîgdem, Elîf Uçare û Mehmet Şerîf Yeşîl bi şertê waştişê kontrolê edlîyî bêrê veradayene berdî Hakimîya Ceza ya Sulhî.
Dozgerîye bi mazeretê tespîtê têkilîya mabênê îfadeyanê Îdarekarê Bajarî yê Edeneyî yê DBPyî Halît Şaşmazî û Bayram Ektrîrek, Burhan Erol, Mahmût Kaplan, Helbest Canel Olgaç, Abdullah Ayriç, Saadet Çelîke, Berfîn Dogane, Salih Filîztek, Doguş Kanter, Bariş Aydin, Alîşan Kiliç, Selman Şen, Bîlal Çelebî, Amed Tayar, Bahattîn Ayraç, Eyûp Şendûrî û yê mabênê Muhammed Enes S., Ahmet B., Osman A., Orhan G. , Serhat D. û Melîke Y., de bi îdîaya ‘endamê organîzasyonî bîyayîşî’ û ‘bi nameyê organîzasyonî fealîyet kerdişî’ ê sewqê Hakimîya Ceza ya Sulhî kerdî.
Hakimîya Ceza ya Sulhî seba Şamaz, Dogan, Şen, Erol, Ayriç, Ayraç û Çelîke bi îdîaya ‘endamê organîzasyonî bîyayîşî’ û ‘bi nameyê organîzasyonî fealîyet kerdişî’ qerarê tepiştişî da.
Hakimîye 2 domanî bi cezaya zereyê keyeyî de tepiştişî û yê bînî zî bi şertê kontrolê edlîyî vera dayî. EDENE
