Avûkatê Rayberê PKKyî Abdullah Ocalanî semedê pêvînayîşê muwekîlê xo muracatê Serdozgerîya Komare ya Bûrsa kerd
Avûkatanê Rayberê PKKyî Abdullah Ocalanî ke Zîndanê Asayîşo Berz yê Tîpa Fyî yê Îmrali de binê tecrîdêko girankerde de yo, ra Rêzan Sarica, Newroz Uysal, Îbrahim Bîlmez û Serbet Koklu semedê pêvînayşê muwekîlê xo muracatê Serdozgerîya Komare ya Bûrsa kerd.
Avûkat Rêzan Sarica û Newroz Uysale badê 8 serran tewr peynî 2ê gulane, 22ê gulane, 12ê hezîrane û 18ê hezîrane de şîbî Îmrali û heta nika 4 pêvînayîşî Abdullah Ocalanî reyde pê ameyî.Muracatê Avûkatanê Rayberê PKKyî Abdullah Ocalanî 27ê Temmuza 2011î ra heta 2ê Gulana 2019î 810 reyan bi behaneyanê sey ‘muxalefetê hewayî‘, ‘xirabîyayîşê kosterî‘, ‘koster tamîr de ya‘, ‘OHAL‘ û tewr peynî zî ‘qanûnê bi Hûmara 5275î yê Derheqê Înfazê Tedbîranê Ceza û Asayîşî‘ ameyî redkerdene. STENBOL
