Hepsîyê PKKyî yê ke Zîndanê Tîpa Tyî yê Riha yê Hûmara 2. de yê vatî: “Badê ke Fatîh Sertaç Çelîk dest bi wezîfeyî kerd û bî mudiro yewin komplo û kayî kewtî dewre û vengdayîş kerdî.”
Zîndananê Tirkîya û Kurdistanî de zext û îşkenceyê hemverê tepişteyanê sîyasîyan dewam kenê. Hepsîyê dewaya PKKyî yê ke Zîndanê Tîpa Tyî yê Riha yê Hûmara 2. tewqîfkerde yî mektûbe şirawitî û bale antî serê zextanê ke yenê kerdene. Mektûbe de ame vatene 1990 de Şirnex de qanûnê fermîyî yê dewlete ameybî betalkerdene û vatî: “Çeteyanê Ergenekonî, Fetoyî, TÎTî, JÎTEMî û yê bînan xeylî bajara û qezayanê herême de bica bîbî û hêzê dewlete yo fermî girewtêne, her cayo ke tede bî vêşnayî, cuye merdimanê ma yê welatperwer û demokratan rê heremnabî. Qewimîyayîşê ke Riha de nê serranê peyênan de virazênê ramojnenê ke Riha bîya ‚Komara dîyine ya Şirnexî.”
Mektûbe de yeno vatene ke badê ke Fatîh Sertaç Çelîk dest bi wezîfeyî kerd, aktîvîteyê spor, sohbet, saz û resimî raste ra ameyî wedartene û vatî: “Kitabê ma bisînor kerdî, bi metodanê cîyayan heqê ma yê pêvînayîşî asteng kerd. Embazê ma yê ke raporê înan ê ‚nêeşkenê bi tena sereyê xo bimano‘ esto, rîyê tewirê îdareyî ra nênê veradayene. Bi vatişê ‚avûkatê şima esto‘ embazê ma teslîmê polîsan kerdî. Asayîş de û wesayîtê polîsan de înan rê îşkence kerd, îtîrafkarî û ajanî înan ra waşte. Tewr peynî de herinda ke ê embazêkê ma berê nêweşxane înan o berd edlîye. Ûca ci ra ‚şahidîya nimitkîye‘ waşte û ci ra waşt ke hemverê tepişteyanê bînan de bikewo mîyanê komplo. Hetêna ra kenê ke heqê qiseykerdişê bi telefonî yê 10 deqeyî zî destê ma ra bigêrê.”
Mektûbe de ame vatene ke Zîndanê Riha de organîzasyonêk ke sey FETO têgêreno xebatan keno û veng dîya bi sazîyanê eleqedaran û vatî: “No organîzasyono ke maneno FETOyî wazeno tepişteyan bêîrade bikero, teslîm bigêro, bikero ajan, îtîrafkar û kayanê leyminan bi cuya merdiman kay keno. Ma do çi rey rastîya xo ya sîyasî û merdimîye ra tawîx nêdê û firsend nêdê provokasyonan. Ma ÎHD, TÎHV û Komeleyê Keyeyanê Hepsîyan û heman wextî de sazîyanê eleqedaran ra wazenê ke bare Wezaretê Edaletî, Komîsyonê Heqanê Merdiman û Meclîsî de û sazîyanê fermîyan ê bînan de bikewê mîyanê cehdan, hemverê organîzasyono ke maneno FETOyî tedbîranê huqûqî û merdimîyî bêrê girewtene.” RIHA
