Sivîlê ke binşewe herêma Kortekî ya Qendîlî de hetê dewleta tirkî ra ameyî qetilkerdene bi zextê YNKyî lezûbez ameyî definkerdene
Goreyê xeberanê ke çimeyanê cayîyan dayî ameyêne waştene ke hîrê sivîlê ke ameyî qetilkerdene bi merasîmêkê kîtlekîyî bêrê definkerdene. La YNKyî biwaştişê vernîgirewtişê hêrsê vera dewleta tirkî û hemkaranê ci temsîlkarê xo yê herême vistî dewre. Temîlskaranê YNKyî keyeyî îkna kerdî û meyîtî şewe lezûbez defin kerdî. Her hîrê cenazeyi zî bêveng ameyî definkerdene.
Teyareyanê şerî yê artêşa tirkî şewa Pancşemeyî herêma Koyê Kortekî ya Başûrê Kurdistanî de dabi sivîlan ro, 3 sivîlî qetil kerdîbî û 5 kesî zî birîndar bîbî. QENDÎL
