HPGyî da zanayene ke gerîlayan xeylî heraman de vera îşxalkaranê tirkî çalakîyî viraştî û netîceya çalakîyan de tewr tay 8 eskerî ameyî kiştene
Merkezê Çapemenî û Îrtîbatî yê HPGyî da pêhesnayene ke gerîlayan Avaşîn, Xakurkê, Colemêrg û Agirî de vera artêşa tirkî xeylî çalakîyî viraştî.
Eşkerayîye de nê ameyî parekerdene: “Çarçeweya Hemleya Şorişgêre ya Şehîd Bager û Şehîde Ronya de hêzanê ma vera artêşa tirkî xeylî çalakîyî viraştî. Detayê çalakîyan wina yê;
Çalakîyanê sabotajî yê Avaşînî de 2 eskerî ameyî kiştene
26ê Hezîrane de hêzanê ma yê YJA Starî Avaşîn de vera îşxalkaran çalakîyê sabotajî viraştî. Çalakîyê ke derûdorê Qilê Xwedê de ameyî viraştene de 2 eskerî ameyî kiştene û 1 zî birîndar bi.
Gever de mewzîyê eskeran ameyî pirodayene
27ê Hezîrane de hêzanê ma qezaya Geverî ya Colemêrgî de da artêşa tirkî ya ke xo Qilê Şehîd Elîşerî de ca kerde ro. Çalakîya bitesîrî ya ke xeylî eskerî ameyî kiştene, hûmara merde û birîndaranê dişmenî nêameye tesbîtkerdene.
Xakurkê de 3 eskerî ameyî kiştene
Eynî Roje de Xakurkê de îşxalkarî ameyî pirodayene. Çalakîya ke herêma Şehîde Sarya de ameye viraştene de 3 eskerî ameyî kiştene 1 zî birîndar bi. Dimayê çalakîye îşxalkaran herêmê çalakîye bombardûman kerde. Netîceya bombardûmanî de erazî de şewat vejîya.
Bazîd de 3 skerî ameyî kiştene
Çarçeweya Hemleya Şorişgêre ya Serkewtişî ya ke Eyaletê Serhadî de yena domnayene de 26ê Hezîrane de qezaya Bazîdî ya Agirî de çalakîyêk ameye viraştene. Çalakîya ke vera Qereqolê Serêkanîye ameye viraştene de 3 eskerî ameyî kiştene 1 zî birîndar bi.
Herîşê hewayî yê vera herêmanê gerîlayan
28ê Hezîrane de teyareyanê artêşa tirkî ya îşxalkare herêma Xinirê ya Xakurkê bombardûman kerde. Netîceya bombardûmanî de vînîbîyayeyê ma çîn ê.
Dewleta tirkî bi zanayîş sivîlan qetil kena
27ê Hezîrane de teyareyanê artêşa tirkî ya îşxalkare herêma herêma Koyê Kortekî yê Qendîlî de da 2 wesayîtanê sivîlan ro. Abdulla Alî Mîne û kênaya ci Kurdistan Abdula û lajê ci Heryad Abdula ameyî qetilkerdene û 5 sivîlî zî birîndar bîyî. Teyareyanê şerî yê tirkî 26ê Hezîrane de dewa Goşîne ya herêma Bradostî de zî sivîlek qetil kerdbi û 3 sivîlî zî birîndar bîbî.
Ma do qesasê qetlîaman bîgêrê
Dewleta tirkî ya ke 21ê Tebax a 2011î de Kortek de keyeyêk ra 7 kesî qetil kerdbî sey vizêr ewro zî bi zanayîşî hêrişê şarê sivîlî kena. Dewleta tirkî ya îşxalkare qetlîamanê xo binê nameyê têgêrayîşê ma de nimnena. Cayo ke qetlîam ameyo viraştene de gerîlayê ma çîne bî. No qetlîam bi zanayîş ameyo viraştene. Ê ke vera nê qetlîamî bêveng manenê hemparê nê sûcî yê. Qesasê nê hêrişan girewtiş wezîfeyo verên ê ciwananê ma yo. Wa bêro zanayene ke ma sey Têgêrayîşê Azadîye yê Kurdistanî do hesabê nînan bibersê. Na çarewe de ma merdimanê kesanê ke ameyî qetilkerdene rê serweşîye û birîndaran rê zî şîfa wazenê. Ma soz danê ke ma do qetilkaran ra hesab bipersê.” BEHDÎNAN
