Konseya Rêvebir a KNK’ê bi boneya wefata endamê Konseya Rêvebir û cîgîrê serokê KNK’ê Bengî Haco peyama sersaxiyê weşand. KNK’ê sersaxî ji malbata Haco xwest û diyar kir ku wefata Haco ji bo Kurdistanê windahiyeke mezine
Konseya Rêvebir a Kongreya Neteweyî ya Kurdistanê (KNK) bi munasebeta wefata endamê Konseya Rêvebir û cîgîrê serokê KNK’ê Bengî Haco daxuyaniyek nivîskî weşand û ji gelê Kurdistan û malbata Haco re sersaxî xwest.
Daxuyaniya KNK’ê wiha ye:
“Me xebera xembar û dilsoj ya wefata endamê Konseya Rêvebir û cîgirê serokê KNK ê birêz Bengî Haco bihîst û em bi vê yêkê gelek xemgînin. Bîrêz Bengî Haco li rojavayê Kurdistanê li herêma Cizîrê, di nava xebat û sîyaseta welatparêzî de bû. Di nava sîyaseta kurdistanî de xwedî cihekî diyar bû. Birêz Bengî Haco, ji ber êrîş û zextên dewleta Sûriyeyê, bi awayekî neçarî derket Ewropayê. Li Ewropayê jî herdem di nava xebata azadiya gelê Kurdistanê de cihê xwe girt û ji bo her çar parçeyên Kurdistanê xebat kir.
Birêz Bengî Haco demekî dirêj endamtiya KNKê jî kir û di heman demê de emdamê Konseya Rêvebir û cîgirê serokê KNK’ê bû. Wefata wî ji bo me, ji bo gelê me, ji bo şoreşa Kurdistanê windahiyeke mezine.
Em ji ber wefata birêz Bengî Haco gelek xemgînin, xemgîniya malbatê û dostên wî parve dikin. Bi vê munasebetê em sersaxîyê didin hemû gelê Kurdistanê, xebatkarên şoreşê û malbata wî.Heval Bengî, bila çavên te di şûnde nemînin, em ê li ser şopa te bimeşin, em ê axîn û wesiyetên te pêk bînin.”
