Ji bo balkişandina ser zêdebûna tiryak û fihûşê, Meclisa Ciwanan a HDP’ê ya Cizîrê, dê turnûvaya futbol û voleybolê li dar bixe
Bi armanca bal kişandina ser zêdebûna tiryak û fihûşê ya li navçeya Cizîr a Şirnexê, dê turnûvaya futbol û voleybolê bê lidarxistin. Turnûva dê bi dirûşma ‘Ne pêgirtî, azad bibe’ bê lidarxistin. Serlêdanên ji bo turnûvayê dê heta 5’ê tîrmehê jî berdewam bikin. Her tîmek dê ji bo serlêdanê 50 lîreyan bide. Di heman demê de dê jin jî yan bi tîmên xweser an jî bi tîmên tevlihev bikarin tev li turnûvayê bibin.
Der barê mijarê de endamê Meclisa Ciwanan a Partiya Demokratîk a Gelan (HDP) a Cizîrê Mehmet Ayaz anî ziman ku li dijî fihûş û tiryakê, dê li dora meclisên ciwanan bibin xelek. Ayaz destnîşan kir ku her kes dikare tev li turnûvayê bibe û bang kir ku bi taybet jî ciwan tev li turnûvayê bibin. ŞIRNEX
