Li gorî agahiyên bi dest ketine, asayîşa PDK’ê ji bo bi dewleta tirk re li dijî tevgera azadiyê operasyon bide destpêkirin hefteyek dem daye rûniştvanên gund û koçerên Zaxoyê û hewl dide herêmê vala bike
Li başûrê Kurdistanê artêşa tirk bi hevkariya PDK’ê dagirkeriya xwe didomîne û ji bo firehkirina dagirkeriya xwe hewl dide gundên li herêmê vala bikin.
Li gorî nûçeya ajansa Rojnewsê asayîşa PDK’ê ji bo rûniştvanên gundan û koçerên navçeya Zaxo ya Duhokê li ser warên xwe biçin hefteyek dem daye wan.
Li gorî agahiyên ji zêdetirî çavkaniyekê bi dest ketine, asayîşa PDK’ê daxwaz ji rûniştvanên gundan û koçeran herêmên gundên Keşan, Zoma Kanî Delê, gundên Şudnî, Riwîsê, Zoma Siyara Sitewrê û çend cihên din kirine ku herêmê vala bikin. Ji bo valakirinê herêmê tu sedem ji bo welatiyan nehatiye aşkera kirin.
Tê gotin ku armanca PDK’ê hevkarîkirina dewleta Tirkiyeyê ya ji bo destpêkirina operasyonê ye. Di van demê dawî de dewleta tirk hêzek zêde ya leşkerî şand herêma Duhokê. Tê gotin ku li herêmê nîşaneyên operasyonê ne. ZAXO
