HPG’ê ragihand ku di çalakiyên gerîla yên li Colemêrg, Şirnex û Herêmên Parastinê yên Medyayê ku li dijî artêşa tirk a dagirker lidar xistin de, bi kêmanî 4 leşker hatine kuştin
Navenda Ragihandin û Çapemeniyê ya HPG’ê ragihand ku li navçeya Çelê ya Colemêrgê du caran li dagirkeran hatiye dayîn, li Şirnexê jî li dijî wesayîteke kobra çalakiyeke ya sabotajê hatiye kirin, li Bestayê jî çalakiyeke ya sekvaniyê hatiye kirin. Li gorî daxuyaniyê di 3 çalakiyan de bi kêmanî 4 leşker hatinek uştin, encamên gelek çalakiyên din jî nehatine zelalkirin.
HPG’ê li ser çalakiyan ev agahî parve kir: “Hêzên me di 26’ê hezîranê saet 03.30’î de li dijî leşkerên artêşa TC’ê ya li Girê Serzer a girêdayî navçeya Çelê ya Colemêrgê çalakiyek kirin. Di çalakiya li dijî gir de yek ji leşkerên ku kar dikir hat kuştin. Hêzên me di 28’ê hezîranê saet 01.15’ê de dîsa li dijî çeperên hêzên dijmin ên li Girê Serzer çalakiyek kirin. Di vê çalakiya bi xurtî li çeperên dijmin hate xistin de 2 leşker hatin kuştin. Artêşa tirk a piştî çalakiyê bi ketober gule û bombe li qadê barandiye, bi helîkopterên Skorsky kuştî û birîndarên xwe ji qadê rakirine. Yekîneyên me yên ku çalakî kirine bi saxî û silametî vegerane navendên xwe.”
HPG’ê bi berdewamî ev agahî ragihand: “Hêzên me yên YJA Star di çarçoveya Pêngava Şoreşgerî ya Şehîd Bager û Şehîd Ronya ya li Herêmên Parastinê yên Medyayê didome de, 1’ê tîrmehê saet 14..30’î li dijî yekîneyên operasyona artêşa TC’ê ya li Girê Şehîd Sarya ya girêdayî Xakurkê bicih bibûn çalakiyek kirin. Di vê çalakiyê de leşkerke hatiye kuştin.”
Li Şirnexê çalakıyeke ya sabotajê hate kirin
Di dawiya daxuyaniyê de jî HPG’ê ev tişt ragihand: “Hêzên me di çarçoveya Pêngava Tolhildanê ya Şehîd Medya Mawa û Şehîd Rizgar Gever a li Botanê didome de, di 30’ê hezîranê saet 18.30’î de li dijî wesayîteke zirxî ya Kobra ku ber bi Qerqola Kron a dikeve di navbera gundê Gundikê Melê û navenda bajarê Şirnexê de çalakiyeke sabotajê lidar xistine. Di vê çalakiyê de wesayîta zirxî derb xwariye û têkildarî kuştî û birîndarên hêzên dijmin agahiyên zelal nehatiye bidestxistin. Di 29’ê hezîranê de hêzên me li dijî leşkerên li geliyê Eyşedikê ya girêdayî herêma Besta ya Şirnexê bi cih bibûn çalakiyeke ya sekvaniyê lidar xistin. Di vê çalakiyê de hejmara kuştî û birîndarên dijmin nehatiye zelalkirin.”BEHDÎNAN
